«Үлгерімі төмен оқушылармен жұмыс» тақырыбында коучинг

Тәуелсіз егеменді еліміздің әлемдік өркениетке жетудегі сара да дара жолы– оның білім жүйесі. Еліміздегі «Білімді ұлт» сапалы білім беру» ұлттық жобасының екінші міндеті – орта білім беру сапасын арттыру болса, Ұлттық даму жоспарының Сапалы білім 3-ұлттық басымдығының міндеттері де білім беру саласындағы қолжетімділікті, теңдікті қамтамасыз ету, оқыту үшін қолайлы жағдайлар мен орта жасау және білім беру сапасын арттыру. Ендеше қазіргі білім беруде педагог қауымының алдында білім алушыларға сапалы білім беру міндеті тұр. Білімнің сапалы берілуі – ұстаздың біліміне, тәжірибесіне, ізденісіне, оқытудағы жаңа технологияларды сабақ барысында мол шеберлікпен, шығармашылықпен жеткізуіне байланысты болып тұр.
«Білімді ұлт» сапалы білім беру» ұлттық жобасында «...Үлгерімі төмен балаларға ерекше қолдау, жылы сөздер және олардың жетістікке жететініне сенім қажет екенін түсіну маңызды», - деп Оқу-ағарту министрі мектептегі үлгермеушілік мәселесі туралы айтты. Осыған орай К.Ушинский атындағы орта мектебінде «Үлгерімі төмен оқушылармен жұмыс» тақырыбында мектеп тренері Жексенбаева Жамиля Иминовна коучинг- сабақ өткізді. Мақсаты: үлгерімі төмен оқушылармен жыл бойы жұмыс жүргізуге отырып, үлгерімі төмен оқушылардың жеке тұлғалық мүмкіндіктерін ашуға көмектесу, пәнге деген қызығушылығын арттыру, мемлекеттік білім стандартын меңгеру.