«21 ғасыр-нақты ғылымдар ғасыры»

Апталық қорытындысы
Бүгінгі ғылым мен техниканың қарқынды дамып, еліміздің экономикасы өсіп, үкімет үдемелі индустрияландырудың керемет жобаларын жүзеге асырып отырған кезеңде оқушылардың математика мен физика пәндерінен біліміне, компьютерлік сауаттылық деңгейіне қойылатын талап та жоғары. Болашақта білімді ұрпақ керек, ал білім кілті – барлық нақты ғылымдардың негізін меңгеруде . Себебі математикалық білімі мықты,компьютерлі сауаттылығы жоғары әрі ойлау қабілеті дамыған бала ғана ғылым мен техника тілін табысты меңгере алады. Әр баланың жеке бір ғылымға деген қабілетін ескере отырып оқыту, оны дамытудың барлық мәселелерін шешетін дайын әрі керемет әдістеме болуы мүмкін емес. Оқушылардың бойында білімге деген қажеттілікті сезіну, білім алу үшін өз бетінше іздену, жаңашылдыққа ұмтылу қасиеттерін тәрбиелеу- сабақта ғана емес, сыныптан тыс жұмыстарда да жүзеге асырылуы керек. Осындай жұмыстың маңызды бір бағыты- пәндік апталық болып саналады.2019 жылғы қаңтар айының 25-сі мен ақпан айының 1-і аралығында мектепте математика,информатика және физика пәндер апталығы өткізілді.Апталықтың жоспары әдістемелік бірлестігінің отырысында қаралып талданды және бекітілді.
Тақырыбы: «21 ғасыр-нақты ғылымдар ғасыры»
Мақсаты: Оқушыларға математика,информатика және физика пәндері бойынша ізгілікті, тиянықты білім- тәрбие беруді дамыта отырып, әрбір оқушының , жеке пән мұғалімдерінің шығармашылық ізденісін жетілдіру.
Апталық өте жауапкершілігі мол әрі қызықты болып өтті. Апталық аясында бұл пәндер бойынша оқушылардың танымдық қабілеттері арттырып, пәнге деген қызығушылығы тереңірек дамыту, сондай-ақ оқушыларды логикалық ойлау өрісін дамыту, пәнге деген қызығушылығын арттыру мақсатында арнайы стенд безендіріліп,түрлі іс-шаралар жүргізілді.
Математика, физика және информатика бірлестігінің апталық жоспарымен таныстыру мақсатында алғашқы күні оқушылар жиыны өткізіліп,онда апталықтың салтанатты ашылуы өтті. Апталықтың ашылуында нақты ғылымдарды оқып-үйренудің маңыздылығы түсіндіріліп, сахналық көріністер қойылды және өлеңдер оқылды. Сонымен қатар жиында апта бойы атқарылатын жұмыстар әр сыныпқа бөлініп берілгендігі мен жоспар бойынша математика, физика және информатика пәндерінен көптеген іс-шаралар өткізілетіндігі хабарланып, барша ұстаздар мен оқушыларды белсенді түрде қатысуға шақырды.

Бірлестік мұғалімдері Абсеитова Р.Т. алгебрадан 7 «А» сыныбында «Екі өрнектің айырмасы мен қосындысының көбейтіндсі»,Дакубаева А.А. физикадан 7 «Б» сыныбында «Сообщающиеся сосуды» тақырыптарына ашық сабақтар берді.

Сонымен қатар бірнеше сыныптан тыс шаралар ұйымдастырылып өтті.Информатика пәнінің мұғалімі Ибраев А.З. 7-9 сыныптармен «Қыс суреттері» компьютерлік суреттер және «Нобель сыйлығының лауреаттары» компьютерлік презентациялар байқауын өткізді. Байқаулар қорытындылап, нәтижелері шығарылды.

Физика пәнінің мұғалімі Дакубаева А.А. 9 сынып оқушыларымен «Физикалық шоу» атты интеллектуалды ойын ұйымдастырды.Математика пәнінің мұғалімі Абсеитова Р.Т. 5-6 сыныптар арасында «Сандар сиқыры»,математика пәнінің мұғалімі Чухланцева К.А. 7 сыныптармен «Веселые умники» сыныптан тыс шаралар өткізді
Математика пәнінің мұғалімі Жексенбаева Ж.Е. мұғалімдер арасында «Рефлексия» тақырыбына коучинг өткізді.
Бірлестік апталығы 8-10 сыныптар арасында «МИФ әлемі» атты кешпен қорытындыланды.Мақсаты: оқушылардың білім деңгейін анықтау, ойлау қабілеттерін дамыту, пәнге деген қызығушылықтарын арттыру,жылдамдылыққа ұйымшылдыққа тәрбиелеу.Апталық қортындысында жеңімпаздар анықталып, белсене қатысқан оқушылар марапатталды.
Апталық қортындысында жеңімпаздар анықталып, белсене қатысқан оқушылар марапатталды.